Марий Эл ТВ: Йошкар-Ола Российын 20 регионжо гыч марий ончылъеҥым вашлияш ямде

Йошкар-Ола Российын 20 регионжо гыч марий ончылъеҥым вашлияш ямде. 31 октябрьыште 400 наре уна толеш. Амалже – 12-шо Марий погын. Пытартыш гана тудым 4 ий ончыч тыгак Марий Элыште эртареныт. Делегат-влакым кеҥеж жапыште марий-влакын тӱшкан илыме чыла регионышто сайленыт. Ынде нуно шке кундемыште улшо тургыжландарыше йодышым Погыныш каҥашаш лукшаш улыт.