19:00, 14-11-2024Марий Эл ТВ: Российысе финн-угор калык-влак ассоциацийын самырык-влак ушемым вуйлатыше дене вашмутланымаш

Ноябрь тӱҥалтыште Ижевскыште Лидерствын национальный школжын мероприятийже эртен. Тудо регионлаште калык-влак кокласе кылым пеҥгыдемдымаште чолган пашам ыштыше ончылъеҥым чумырен. Одо кундемыш Марий Элысе кугыжаныш погынын 8-ше созывшын председательже Михаил Васютин да самырык активист-влак Максим Алгайкин ден Анастасия Муравьева миеныт. Кызыт мутнам Максим Алгайкин дене вашталтена. Тудым Российысе финн-угор калык-влак ассоциацийын самырык-влак ушемын вуйлатышыжлан сайленыт.