Марий Эл ТВ: волонтёр-влак шинчымашыштым пойдарат

Республикысе волонтёр-влак шинчымашыштым пойдарат. Тиде кечылаште «Авангард» рӱдерыште доброволец-шамычын школышт эрта. Тудо сузлаште тунемше да волонтёр виктышым вияҥдыше 135 самырык еҥым чумырен. Нунылан тӱвыргӧ программым келыштареныт: кажне кечын лекций, мастарлык класс, тренинг. Ӱдыр-рвезе-влак кузе мероприятийым эртараш да сай командым чумыраш пален налыт. Тыгак волонтёр-влак проектыштым аралаш тунемыт, а эксперт-влак нуным илышыш шыҥдарыме шотышто каҥашым пуат. Программыште посна верым Кугу Сеҥымашын 80-ше идалыкше кышкарыште шуктымо пашалан ойырымо. Доброволец-влакын школышт ик шонымаш дене эрта - Марий Элыште волонтёр виктышым вияҥдаш.