Тачысе кечын туризмым вияҥдымаш Марий Элыште веле огыл, элна мучко экономикын ик эн тÿҥ виктышыжлан шотлалтеш. Статистике почеш эртыше ийын Марий Элыш ик миллион утла турист толын. Тиде чот кажне ийын кугемеш. Туризмым вияҥдашлан ятыр паша ышталтеш. Иктыже – Российысе самырык да студент-влаклан «Студтуризм» программе. Тудым шаркалымаште Морко кундемын шочшыжо, Анастасия Сидорова, тырша. Ӱдыр «Студтуризмын» амбассадоржо семын палемдалтын, студент-влакым путешествийыш кузе тарваташ да мом шотыш налаш – палдара.