Йошкар-Олаште – «Келшымаш кӱвар». Эртыше кечылаште рӱдолаште руш театр-влакын тӱнямбал фестивальышт тӱҥалын. Спектакль-влак молгунамсе семынак Г. Константинов лӱмеш академический руш драме театрын сценыштыже шындалтыт. Российын 8 регионжо Татарстан, Чуваший, Мордовий, Карелий да тыгак йот эл гыч театр-влак комедий, драме, музыкальный спектакль да моло жанрым сценышке аклаш луктыт. Фестиваль руш драме театрын «Вишневый сад» спектакльже дене почылтын.