Доброволец-влакын кечышт вашеш Йошкар-Олаште «МариТыл» доброслёт эртен. Тений тудо кокымшо гана 700 наре волонтёрым чумырен. Тиде республикын кажне гаяк районыштыжо тыршыше да СВО-што улшо талешкына-влаклан полшышо калык. Лӱмын келыштарыме ончерыште нуно шке шуктымо пашашт дене палдареныт. Мо дене да кузе мемнан салтак-влаклан полышкалат, каласкаленыт. Марий тыллан пӧлеклалтше слётым регион вуйлатыше Юрий Зайцев сайлан шотлен.