Марий Эл ТВ: Марий тӱвыра рӱдер йоча-влаклан «У ий йомак» пайремым эртара

Республикысе курчак театрыште «У ий йомак» пайрем эрта. Марий йоча-влаклан марий ёлко лиеш. Марий тӱвыра рӱдер икшыве-влакым куандараш ямдылалтеш. Йочасадыш да школыш коштшо марий ӱдыр-рвезе-влаклан марий У ий пайрем 1995 ий гыч эртаралтеш. Тений «У ий йомак» лӱман пайрем йоча-влакым 24 декабрьыште Республикысе Курчак театрыште пога. Туштак «Йӱштӧ Кочайлан мурем», «У ий модыш», «Йӱштӧ Кугызалан серыш» конкурслаште сеҥыше-влакым палемдат. Тиде кечын уста, тӱрлӧ таҥасымаште ойыртемалтше, марий йоча-влак погынат. Марий елкыш республикынан чыла гаяк районла да олалаж гыч 247 икшыве толеш.