19 январьыште Православий календарь почеш Крешене пайрем. Марий йӱлам кучышо-влак Вӱд модмо кечым палемдат. Ты кечын пелйӱд деч вара памашыш вӱдлан каят. А храмыш мийыше-влак святитлыме вӱдым налыт. Тыгак пайрем кечын ик эн кумдан шарлыше йӱлаже - тиде йӱштылмаш. Йӱштыл лекташ посна верым палемдат. Но вӱдыш пурышылан икмыняр правилым эскерыман. Крешене йӱштылмаште медицине пашаеҥ да утарыше-влак дежуритлаш тӱҥалыт. Тидын нерген Марий аварийно-утарыше службын вуйлатышыже, Николай Самойлов дене мутым вашталтена.
Комментариев: 0