Тӱвыра инициативе шотышто президент фонд конкурслан йодмашым пога. Тушко чыла кумылан-влак ушнен кертыт. Йодмашым 6 февраль йотке погат. Конкурсышко ушнаш шонышо-влаклан Калык усталык рӱдер пеленысе проект офисыште семинар эртен. Лекцийыш тӱвыра аланыште тыршыше, амалкалче, коммерческий огыл организацийын еҥже ушненыт. Нунылан конкурсын ойыртемже да вашталтышыже-влак нерген каласкаленыт. Семинарын участникше-влак тӱшкан пашам ыштеныт. Тушто шке проектышт нерген кутыреныт да кажныже консультацийым налын кертын.