Марий Эл ТВ: Шернур район гыч Кугу Ачамланде сарыште кредалше салтак-влакын кум лукан серышыштым книгаш савыктыме

Фронт гыч возымо серыш-влак курымешлан аралалтыныт. Марий АССР-ысе Шернур район гыч Кугу Ачамланде сарыште кредалше салтак-влакын кум лукан серышыштым посна книга семын савыктыме. Нуным ты районынак шочшыжо Анастасия Глазырина чумырен. Автор дене вашлияш коллегем-влак Шернур районысо Конаков лӱмеш краеведений тоштерыш миен коштыныт.