Марий Эл ТВ: Йошкар-Олаште «Ребёнок в современном мире» форум эртен

Йочан психологий могырым шуаралтмыже, туныктымаште у йӧн-влак, туныктымо системыште проблеме – нине йодыш-влакым ача-ава да педагог-влаклан «Ребенок в современном мире» лӱман форумышто каҥашеныт. Тушко толшо участник-влакым Марий Элысе туныктыш да шанче министр Лариса Ревуцкая, Йошкар-Олан да Марий Элын митрополитше Иоанн саламленыт. Пленар заседанийыште да дискуссий площадкылаште кӱлеш, тачысе кечылан келшен толшо йодыш-влакым нӧлталыныт.