Марий Эл ТВ: Республикысе курчак театрыште 10 тылзаш гыч 2 ияш марте йоча-влаклан спектакльын премьерыже лийын

Эн изи ийготан-влаклан постановко. Республикысе курчак театрыште «Снег» лӱман спектакльын премьерыже лийын. Постановкышто шинча ончылнак юзо вий илана.  Предмет, пӱртӱс илана. «Снег» спектакль 10 тылзаш гыч 2 ияш марте йоча-влаклан келыштарылтын. Постановко годым ача-ава-влак йоча пелен улыт. А икшыве сценыште коштын, кӱпчыкыштӧ киен, артист да икте-весе дене модын кертеш. Палемдыман, 10 тылзаш йочалан келшыше спектакль Республикысе курчак театрыште – икымше. Постановкым ямдылымаште кугу тӱткышым декорацийлан ойыреныт. Тудо изи йочалан келшыше лийшаш.