Марий Элыште икымше гана «А ну-ка, девушки» республик кӱкшытан конкурс эрта. Тудын икымше этапше кажне муниципал образованийыште лийын. Конкурсыш 18 гыч 35 ияш марте тӱрлӧ аланыште пашам ыштыше 15 ӱдыр ушна. Нуно профессионал мастарлыкыштым ончыктат, интеллектуал конкурсышто уш-акылыштым тергат, авторский вургем коллекций дене палдарат. Пайремым Республикысе калык усталык рӱдер эртара.