Марий Эл ТВ: 13 мартыште «Валентин Колумб. Легенды милые прощайте» спектакльын премьерыже лиеш

Республикысе Самырык театр деч у постановко. 13 мартыште «Валентин Колумб. Легенды милые прощайте» спектакльын премьерыже лиеш. Чапланыше поэт-новаторын рольжым театрын самырык актёржо Андрей Алексеев модеш. У спектакль Валентин Колумбын 90 ияш лӱмгечыжлан пӧлеклалтын. Тудо кок йылме дене шындалтеш. Ондак калык руш йылме дене премьерым акла. У спектакльлан пьесым Геннадий Гордеев архив да шымлыме материаллан эҥертен возен.