Марий Эл ТВ: Архив пашаеҥ да шанчызе-влак «Марий кундем СССР-ысе кугыжаныш обороно комитетын документлаштыже» сборникым чумырнет

Марий Элын историйже да сеҥымашым лишемдаш полшымо надырже – документ лаштыклаште. Республикысе кугыжаныш архивын специалистше да Валерьян Васильев лӱмеш шымлыше институтын историкше-влак у электрон савыктышым чумыреныт. Тудо «Марий кундем СССРысе кугыжаныш обороно комитетын документлаштыже» маналтеш. Сборник кок томан. Тушко 1300 наре документым пуртымо.  Шанче-шымлыме паша ныл ий наре шуйнен. Тидын годым архивист да историк-влак тылеч ончыч палыдыме ятыр оҥай материалым верештыныт.