Студент-влак кушкылым куштымаште опытым эртарат

Марий Кугыжаныш университетын Агробиостанцийже эше Совет жапыштак, 70-ше ийлаштак, пашам ышташ тӱҥалыныт. Витле ий наре жап тиде опытно-производственный участкыште шуко пашам вӱдат: росотам куштат, тӱрлӧ пеледышым шындат. Пытартыш кум ий Агробиостанцийын пашажым туныктышо, агрохимий да кушкыл-влакым аралыме шотышто специалист Нина Апаева  терген шога. Ты станцийын кумдыкшо изижак огыл, 2 гектар наре. Тушто кок теплицым вераҥденыт, тӱрлӧ пакчасаскам куштат. Нина Николаевна палемда, агробиостанцийын кумдыкыштыжо опыт делянке-влакат улыт. Студент-влак,  диплом пашам возымо годым тӱрлӧ кушкыл дене опытым ыштат. Мландым обрабатыватлат, шындат, росотан кузе кушмыжым, ончат. Тыште коллекционный участкат уло.