Фотоаппарат объектив гоч ончыктымо пӱртӱс моторлык. Тимофей Евсеев лӱмеш тоштерыште «Первозданная Россия» ончер почылтын

Российын пӱртӱс моторлыкшым ончыктышо, фотокартычке-влак гыч шогышо ончер. Тимофей Евсеев лӱмеш калыкле тоштерыште «Первозданная Россия» выставке почылтын. Тудо кок блок дене ончыкталтын. Иктыже - «Хранители сказочных миров», весыже - «Место встречи – Россия». Тыште пӱртӱс поянлыкым, янлыкым, макросъемкым ужаш лиеш. Палемдыман, выставке ондак Москваште ончыкталтын. Ончыкыжым ончер Российын  тӱрлӧ олаштыже пашам ышташ тӱҥалеш. Выставкылан фотокартычке-влакым конкурсышто ойырен налме. Чылаже 500 наре фотокартычкым луктыныт. Тимофей Евсеев лӱмеш калыкле тоштерыште «Первозданная Россия» ончер 2018 ийыште тӱҥалтышым налын. Тудо поро йӱлаш савырнен да кажне ийын шке йырже шуко еҥым чумыра.