Калык-влакын икоян улмо кечыштым да Марий Эл Республикын шочмо кечыжым республикыште кумдан палемденыт

Калык-влакын икоян улмо кечыштым да Марий Эл Республикын шочмо кечыжым рӱдолаште да районлаште кумдан палемденыт. Ты кечын тӱрлӧ акций, вашлиймаш, флешмоб, конкурс да пайрем концерт-влак эртеныт. 4 ноябрьыште «Яндекс» компаний деч марий ойым текстыш кусараш да текстым ойыш савыраш йӱк технологий» проектын презентацийже лийын. Тиде паша ты компанийын да Валерьян Васильев лӱмеш йылмым, литературым да историйым шымлыше марий институтын шанчызыже-влакын тыршымыштлан кӧра шукталтын.