«Серебряная лига» регион-влак кокласе турнирым иктешленыт

Регион-влак кокласе «Серебряная лига» турнирым иктешленыт. Тудым кугурак ийготан-влак коклаште эртарат. Тиде проектын кураторжо – Нацбанкын Марий Элысе пӧлкаже. Конкурсышто 14 регион шкенжым терген. Юл кундем федерал округышто 3 тӱжемат 800 наре еҥ участвоватлен. Икымше этапше онлайн-викторине лийын. А кокымшо этапышке шӧртньӧ волонтёр-влак шкеныштын пашаштым колтеныт. Сеҥыше-влакым кум номинацийыште палемденыт: почеламут конкурс, кроссвордым але сканвордым  шонен лукмаш да видеоролик. Финанс йодышла дене кылдалтше сканворд-влак номинацийыште сеҥыше – Йошкар-Ола гыч волонтёр Татьяна Соколова.