Регион Вуйлатыше Юрий Зайцев специальный сарзе операций боец-влакын пелашышт да авашт дене вашлийын

Регион Вуйлатыше Юрий Зайцев специальный сарзе операций боец-влакын пелашышт да авашт дене вашлийын. «Кичиер» санаторийыште нунылан кызыт тазалыкым пеҥгыдемдыме смене пашам ышта. 200 наре тулык вате ден ава, тыгак кызыт лишыл еҥыштым СВО гыч вучышо-влак погыненыт. Вашлиймашыш регион вуйлатыше дечын посна министерстве ден ведомство-влакын еҥышт миеныт. Нунылан ава, пелаш-влак тургыжландарыше йодыш-влакым пуэденыт, лекше проблемым рашемдаш полшаш йодыныт. Тиде, мутлан, выплате, мландым яра пуымо шотышто лекше йодыш-влак.