Йошкар-Олаште корнышто шкем кучымо правил-влакым ушештарыше шижтарымаш-влакым вераҥдыме

Корнышто лӱдыкшыдымылык тыглай правил-влак гыч тӱҥалеш: шолашке-пурлашке ончалаш, телефоным кораҥдаш да тӱҥжӧ – вашкаш огыл. Но чылаж годым тӱткылык ок сите. Йолешке-влак коклаште тӱткылык ситыдымашлан кӧра корнытуткар-влакат шагал огыл лиедат. Тыгай туткарым шагалемдыме амал дене Йошкар-Олан ик уремыштыже корным вончымо верлаште шкем кучымо правил-влакым ушештарыше шижтарымаш-влакым вераҥдыме. Ты пашам Кугыжаныш автоинспекцийын пашаеҥже да Йошкар-Оласе 7-ше номеран школын тунемшыже, корно толкынын самырык инспекторжо-шамыч шуктеныт.