Советский районысо Кукмарий ялыште «Ӱяча» фестиваль лиеш

Ӱяча унала ӱжеш. Марий йомак тӱняш наҥгайыше театр сынан представлений, йоча модыш да футбол турнир. Эртыше ийын республикыштына эше ик у фестиваль тӱҥалтышым налын. Советский районысо Кукмарий ялыште «Ӱяча» театрализованный модмо программе фестиваль кокымшо гана усталык коллектив ден уна-влакым чумыра.  Районысо тӱвыра пӧрт, фольклор коллектив-влак шке программышт,  калык кочкыш дене палдарат. «Мастарын кидше» ончер пашам ышташ тӱҥалеш. Фестиваль кышкарыште ветеран-влак коклаште мини-футбол дене турнир лиеш. Икымше «Ӱяча» фестиваль Кукмарий школ кудывечыште тӱжем наре еҥым чумырен.