Республикысе калык усталык рӱдерын специалистше-влак фольклорно-этнографический экспедицийыш каят

Республикысе калык усталык рӱдерын специалистше-влак черетан фольклорно-этнографический экспедицийышке каяш ямдылалтыт. Тыгай сынан мероприятий тений лийын. Калык усталык рӱдерын пашаеҥже-влак июнь мучашыште марий кӱсле дене шоктымо йӱлам шымленыт.  Специалист-влак Курыкмарий районышто лийыныт, «Шыжарвлӓ» кӱслезе-влак ансамбль дене вашлийыныт, тудым вуйлатыше кӱслезе, Российысе тӱвыран сулло пашаеҥже Фаина Эшмякова дене кугу мутланымаш лийын. Семӱзгарым ыштыме нергенат кугу да пеш поян материалым погеныт.