Марий Эл ТВ: У Торъял район «Сеҥымаш салют» фестивальлан «Эхо прошедшей войны» лӱман программым ямдылен

У Торъял район кугу усталык концерт дене Йошкар-Олаш вашка. Районын уста еҥже-влак Россий кӱкшытан «Сеҥымаш салют» фестивальлан «Эхо прошедшей войны» лӱман программым ямдыленыт. Действий сар гыч возен колтымо серыш гоч каяш тӱҥалеш. Усталык концертыште 160 еҥ участвоватла. Фестиваль гоч артист-влак Кугу Отечественный сарын историйжым шарныктат. У Торъял район гыч сарыш 8 тӱжем наре ен каен, 5 тӱжем утлаже пӧртылын огыл. Таче мартеат Совет салтак-влакын лӱмышт мемориалыш ешаралт возалтыт.