Сонарзе-влак разрешенийым налаш экзаменым кучаш тÿҥалыт. 2023 ийын 8 декабрьыште Российыште сонарлыме шотышто вашталтышым пуртеныт. Экзамен сонарлыме билетым пуышо органыштак эрта. Тушко лÿдыкшымылык правил дене кылдалтше 200 йодыш пура, тыгак биологий дене шинчымашым тергат. 2025 ий 1 январь гыч сонарлыме билетым электрон йöн дене пуаш тÿҥалыт. 
Кодшо ийын Марий Элыште ныл спортзалым тӧрленыт. Тиде пашам «Образований» нацпроект дене келшышын ыштеныт. Звенигово районысо Мочалище, Оршанка районысо Тошто Крешын, Параньга районысо Элнет, Юрино районысо Козиково школышто. Тидын дене пырля Волжский район Эмеково школ пелен сооруженийым ыштеныт, тыгак кок тунемме верлан спорт инвентарьым налыныт.
Тений «Земский доктор» программе дене Марий Элысе тора яллаште да поселкылаште 38 медицин пашаеҥ тыршаш тӱҥалеш. Ты радамыште 29 врач да 9 кокла медицин пашаеҥ. Кодшо ийын республике 35 специалист дене ойпидышым ыштен. 1 врач да 1 медшӱжар Семеновкысо врачебный амбулаторийышке, Республикысе психиатрический больнице да Помар эмлымверышке 1 врач дене толыныт. Шернур да Оршанка рӱдӧ эмлымверлаште 4 врач ты программе дене пашам ышташ тӱҥалын, Звенигово рӱдӧ эмлымверышке 3 специалист толын.
Троллейбусышто да автобусышто кайымылан ак кӱзен. Банк карте дене тÿлаш гын, билет ак шулдырак лектеш. 1 январь гыч троллейбуслан ак 3 теҥгелан кÿзен. Ынде транспортышто кудалыштмылан да багажлан 29 теҥгем тÿлыман. Банк карте дене тÿлаш гын, билет ак 26 теҥге. Кодшо ийын троллейбусышто кудалыштымлан ак 2 гана вашталтын, 1 март гыч 24 теҥге лийын, а 1 июль гыч ‒ 26 теҥге, тыгодым банк карте дене 23 теҥгем веле шоген.
