Кодшо ийын Марий Элыште 3 тӱжемат 400 наре еҥым аварийныйлан шотлалтше пӧртла гыч кусареныт. Тидын нерген видеоселекторный совещанийыште ойленыт. Тудым Правительствын вице-премьерже Марат Хуснуллин эртарен. Тушко Юрий Зайцев ушнен. Росстатын данныйже дене, пытартыш кум ийыште чоҥымаш паша 23 процентлан шукемын. Марий Элыште программым илышышке пурташ тӱҥалме дечын вара 7 тӱжем наре еҥым у илымверышке кусарыме. Палемдыме пашам жапыштыже шуктеныт. Заседанийыште тыгак шыже-теле жапыште шокшым пуымо нерген ойленыт. Марий Элыште тудо план дене эрта, объектлаште кугу аварий-влак лийын огытыл.