2026 ийыште Йошкар-Олаште тӱзатыме ик эн тӱҥ объект - Воскресенский проспект лийын.
Чавайн бульвар гыч Царьградский проспект марте ужашыште тротуарым уэмденыт, велосипед дене кудалышташ корным ыштеныт, пушеҥгым шынденыт. Канаш тыште парк лӱҥгалтышым, йӧнан теҥгылым да калык тӱс дене авыртышым вераҥденыт, а кас атмосферым тул инсталляций ден волгалтарыман арке-влак ыштат. Проспектыште бизнес полшымо дене «Шордо» арт-объектым вераҥденыт. Легенде почеш, Ший Шордо - марий чодырам аралыше, калыкнан вийжым, лӱддымылыкшым да чулымлыкшым шыҥдарыше шӱлыш. Воскресенский проспектым тӱзатыме шотышто проектым калык сайлан шотлен, да тудым «Инфраструктура для жизни» нацпроектын «Формирование комфортной городской среды» федерал проектше дене келшышын илышыш шыҥдареныт.