Марий Эл вуйлатыше Юрий Зайцев спорт объектлаште лийын
Марий Эл вуйлатыше Юрий Зайцев спорт объектлаште лийын. Тиде «Арена» куштылго атлетике манеж. Марий Эл Республикын кечылажым Федераций Советыште эртарыме годым социал политике комитетын заседанийыштыже тиде объектыште пашам шуйымым сенатор-влак сайлан шотленыт. Тудын икымше этапшым 2015 ийыште ыштеныт. Кокымшо этапысе паша дене унагудым ыштышаш улыт, тыгак тушко врачебно-физкультрунй диспансер куснышаш. Тений тидын шотышто проектым ыштат.
Спорт объект радамыште Юрий Зайцев тыгак олимпийский резерв училищыште лийын. Тудо Семеновко селаште верланен. Тушто Россий сборныйын командыште улшо спортсмен-влак шуаралтыт, тыгак спорт виктышлан кадрым ямдылат. 2023 ийыште училищылан федерал субсидий ойыралтын: тудын ден спорт инвентарьым да оборудованийым налыныт. Спортсмен-влак тушто тунемыт, нуным яра пукшат, тазалыкыштым тергат, тӱшкагудо уло. Тыгак училищыште физкультур да спорт виктыш ден ешартыш шинчымашым налаш лиеш. Кодшо ийын 15 студент шинчымашыжым келгемден. Тений «Бизнес спринт» программе дене модульный спортзалым ыштышаш улыт.
