Волжскышто рӱдӧ площадь уэмын. Тиде пашам Российысе конкурсышто сеҥымеке, ышташ йӧн лектын. Марий Эл вуйлатыше Юрий Зайцевын кӱштымашыже дене Волжскышто паша шукталтмым Марий Эл Виктер вуйлатышын икымше алмаштышыже Михаил Васютин аклен. Проект оласе йӧнан средам ыштымаш шотышто Российысе конкурсышто сеҥен. Тушто йолешке-влакын коштмо корныштым, понар-влакым келыштареныт, видеоэскерымаш системым, йоча площадкым ыштеныт. Тушто лӱҥгалтыш, теҥгыл-влак, велопарковко да шахмат дене модаш ӱстел, кукшо фонтан улыт.
Комментариев: 0