Казаньышке мийыме годым Юрий Зайцев промышленность да ужалымаш министерствын иктешлыше коллегийын заседанийыштыже лийын. Тудын деч ончыч Татарстанын промышленный предприятий-влакын выставкыштым онченыт. Марий Эл пошкудо регион дене промышленность, ялозанлык, информаций технологий, туризм да тӱвыра могырым вашкылым кумдаҥден кертеш, промышленностьышто вашкылым ышташ потенциал кугу. Тачысе кечын мемнан дене 1 тӱжем утла турлӧ продукцийым луктыт. Оборонно-промышленный коплекс да радиоэлектронике сай лектышым ончыкта. Регион вуйлатыше палемден, ялозанлыкыште кугу инвестиций проектым илышышке пуртышаш улыт. Йошкар-Олаште аэропортын взлетно-посадочный полосам чоҥат. Тыгак Зеленый Дол гыч Яранск марте кӱртньыгорным шуйымо нерген йодышым ончат. Чыла тиде регион-влак коклаште шукырак сатум ужалаш да логистикым саемдаш полша. Марий Эл туризмым вияҥдыме шотышто сай лектышым ончыкта. Татарстан гыч толшо уна-влакын чотышт кок пачаш шукемын. Марий Элын вуйлатышыже Юрий Зайцев да Татарстан Республикын Раисше Рустан Минниханов вашкелшыкыш кидпалыштым пыштеныт. Тыге регион-влак кокласе кыл эшеат пеҥгыдемшаш.
Комментариев: 0