Мемнан республике 2025 ий гыч «Инфрастуктура для жизни» национальный проектын 9 федерал проектшым илышыш пурташ тӱҥалеш

Мемнан республике 2025 ий гыч «Инфрастуктура для жизни» национальный проектын 9 федерал проектшым илышыш пурташ тӱҥалеш.
Кугыжаныш комиссийын заседанийыштыже Россий Правительстве Председательын алмаштышыже Марат Хуснуллин палемден, тиде нацпроектышке пытартыш ийлаште кучылтмо механизм-влак гыч эн сайжым шыҥдарат.
Марий Элыште план дене 31 объектым капитально тӧрлышаш улыт. Тиде программе дене вӱд пуч сетьым уэмдат, Йошкар-Оласе эҥер серым тӱзатат, автомашина корным чоҥат, шуко шочшан еш-влаклан ойырымо мланде участке марте инфрастуктурым ыштат, тӱшкан пайдаланыме транспортым уэмдат, тыгак граждан-влакым тоштемше илымвер гыч кусарат.
Юрий Зайцев шке телеграм-каналыштыже возен, Марий Элын Правительствыже улшо темлымаш-влакым федерал министерствылашке колтен.

(Фотом Марий Элысе Виктерын сайтше гыч налме)