Оршанка районышто тӱвыра пӧрт-влакым тӧрлен шуктеныт
Кугу Кугланур да Кугу Ӧрша тӱвыра пӧрт-влакым «Культура» нацпроект дене тӧрленыт. Тиде объектлаште леведышым вашталтеныт, кӧргӧ отделкым ыштеныт, окнам, электровоштырым уэмденыт, пожар сигнализацийым келыштареныт. Учреждений-влакым тӧрлаш 13 миллион теҥге ойыралтын.Оршанка район администраций вуйлатыше Александр Плотников палемден, Кугу Ӧрша тӱвыра пӧрт воктене 4 ял, тушто 600 еҥ ила. Тачысе кечын тушто спецоперацийыште улшо-влаклан маскироватлыме сетьым, носким пидыт, блиндажлан сортам ыштат. Кугу Кугланур тӱвыра пӧртын зданийыштыже книгагудо уло. Тушто кодшо ийын 100 утла тӱвыра мероприятийым эртареныт.
Виктер Вуйлатышын алмаштышыже ‒ тӱвыра, печать да калык-влакын пашашт шотышто министр Константин Иванов палемден, Оршанка район «Культура» нацпроект дене пашам шуктышо район-влак коклаште ончылно.
Чылаже республикыште 2019 ий гыч 15 тӱвыра пӧртым уэмденыт, эше кок объектым идалык мучаш марте ыштен шуктат.
