Первая региональная олимпиада «Умницы и умники» прошла в Доме Дружбы народов Марий Эл
1 февраль гыч ава капитал кугемеш
Тудым 7,3% ешарат. Икымше йочалан тудын кугытшо ‒ 676 тӱжем теҥге, кокымшылан 893 тӱжем теҥге лиеш. Тидын нерген ТАСС увертара. Ава капиталын кугытшым вес ийлан акым шотыш налын ешарат.Ушештарена, ава капитал ‒ «Демографий» нацпроект дене Российысе еш-влаклан ойырымо кугыжаныш полыш. 2007 ий гыч тудым кокымшо але вес шочшо йоча-влаклан пуэныт. 2020 ий 1 январь гыч икымше йочам ыштымекак, ава капиталым пуат. Тений идалык тӱҥалтыш гыч Марий Элын социал фондшо 800 сертификатым пуэн. 2007 ий гыч 69 тӱжем утла ешлан ава капитал ойыралтын.
