Ты марте объектыште пушеҥгым да вондерым руэныт, кумдыкым эрыктеныт, электропередаче линийым да вӱд пучым кусареныт, фундамент плитам пеҥгыдемденыт. Лишыл жапыште подрядчик фундамент плиташке бетоным шараш тӱҥалеш. Тидын дене чоҥымаш министерстве палдара.
Медучрежденийым «Интеграл» микрорайонышто чоҥат, тушто Машиностроитель, Предзаводской, Свердлов, Западный да Тарханово микрорайонла гыч йоча-влак эмлалташ тӱҥалыт. Зданий 4 пачашан лиеш, тушто травматологий, рентген, физиотерапевтический, энодоскопический отделенийым келыштарат.  Проектын акше ‒ 902 миллион теҥге, пашам 2025 ийыште мучашлышаш улыт.