Вес ийын Марий Элыште шуко пачеран 41 пӧртым капитально тӧрлат
Ты радамыште ‒ Йошкар-Оласе икмыняр пӧрт, Семеновка селаште ныл пӧрт, Медведево, Козьмодемьянск, Звенигово оласе пӧрт-влак. Шернур поселкышто ‒ Коммунистический урем 10А, Кукнур селасе Конаков уремысе 3Б номеран пӧрт-влакым, Параньга поселкышто ‒ Новый уремыште 35-ше номеран пӧртым, Марий Турек поселкышто ‒ Красноармейский 24, Куженер поселкышто ‒ Заречный, 42, Морко поселкышто ‒ Тыныслык уремысе 7-ше номеран пӧртым, У Торъялыште ‒ Фестивальный уремысе 23 номеран пӧртым капитально тӧрлат. Ешарена, Марий Элын Чоҥымаш, архитектур да илымвер-коммунал озанлык министерствыште капитально ачалымаш паша шотышто «шокшо линий» уло: 41-01-05.
