В Марий Эл завершились поиски Ивана Биленко: мужчина обнаружен живым
Марий Элысе 15 кундемыште нацпроект-влакын полшымышт дене инфрастуктурым вияҥдат
Республикыште опорный радамышке пурышо 15 верым палемденыт. Медведево поселко ‒ вияҥмашын у точкыжо, Йошкар-Ола ‒ оласе агломераций да Российысе субъектын административный рӱдерже. Волжск, Козьмодемьянск, Звенигово ола-влак, тыгак ола шотан поселко-влак: Килемар, Куженер, Марий Турек, Морко, У Торъял, Оршанка, Параньга, Шернур, Советский, Юрино ‒ моло кундем радамышке пурталтыныт.Нине верлаште «Инфрастуктура для жизни» нацпроект дене социал, илымвер-коммунал да транспорт инфрастуктурым шотыш кондат. Тиде нацпроектым илышышке пуртымо нерген стратегический сессийыште каҥашеныт. Тудым Российын премьер-министрже Михаил Мишустин эртарен. Совещанийышке Марий Эл вуйлатыше Юрий Зайцев ушнен.
(Фотом Марий Элысе Виктерын сайтше гыч налме)
