Йошкар-Олаште кеҥеж мучко 50 наре шуко пачеран пӧрт деке вӱдышӧ корно-влакым тӧрленыт. Пашлан 190 миллион теҥгем ойыреныт. Подрядчик-влак 6700 тонн асфальтбетоным, 15800 тонн щебёнкым кучылтыныт. Тидын деч посна рӱдолаштына 9 километр кужытышто йолешкылан корным ачаленыт.
Пытартыш 5 ийыште Йошкар-Ола мучко «Лӱдыкшыдымӧ сай качестван корно» нацпроект полшымо дене 75 корно ужашым шотыш конденыт.
Тений гына Садовый, Шумелёв, Яналов, Тыныслык, Петров, Складской, Кугу Чигашево уремлам да Кокшайский проездым тӧрленыт. Ачалыме корнын чумыр кужытшо ‒ 10 километр наре.
Комментариев: 0