Марий Эл Правительствыште регионын социал-экономике могырым вияҥмашыже нерген ойленыт да ончыкылыклан паша радамым пеҥгыдемденыт
Марий Эл Правительствыште регионын социал-экономике могырым вияҥмашыже нерген ойленыт да ончыкылыклан паша радамым пеҥгыдемденыт.
Тений 9 тылзыште промышленный продукцийым 15% шукырак луктыныт, ялозанлыкыште лектыш 1 процентат пелылан кугемын. Инвестицийым тений индеш тылзыште 9% шукырак ойыралтын. Кызыт Марий Эл социал-экономике могырым вияҥмаш шотышто у индивидуальный программылан ямдылалтеш. 2030 ий марте 5 миллиард наре теҥгелан 100 утла инвестиций проектым илышышке пуртышаш улыт.
Россий Президент Владимир Путинын темлымашыже дене илышыш пуртымо у нацпроект дене 2030 ий марте мемнан кундем 320 объектым тӧрлаш, чоҥаш йодмашым колтен.
2025 ийыште республикын консолидированный бюджетыштыже налог але налог огыл парыш 40 миллиард теҥгелан шукемшаш.
Вес ий гыч 29 кугыжаныш программе дене паша тӱҥалеш. Тиде «Новое качество жизни», «Инновационное развитие и модернизация экономики», «Эффективное государство». Чыла тидым радамлен, ешареныт, палемдыме чыла мероприятий жапыштыже шукталтшаш.
(Фотом Марий Элысе Виктерын сайтше гыч налме)
