Марий Элыште креативный индустрийым вияҥдаш полшат
Юрий Зайцев Штабын заседанийыштым эртарен, тушто регион кӱкшытыштӧ ойырымо полыш нерген ойленыт. Владимир Путинын кӱштымашыже дене регионалаште улшо практике-влакым шотыш налын, стандартым ыштеныт. Марий Элыште креативный индустрийым вияҥдаш грант-влак ойыралтыт, нуно арт-индустрий, дизайн, театр сымыктыш, видео да анимацийым вияҥдаш полшат. Марий Эл Виктер Вуйлатышын алмаштышыже ‒ тӱвыра, печать да калык-влакын пашашт шотышто министр Константин Иванов палдарен, Марий Элыште Т.Евсеев лӱмеш тоштер пелен креативный индустрийын вияҥмыже шотышто ресурс рӱдерым ыштеныт. Тыгак мемнан кундемыште креативный индустрийын кечыже-влак лийыт. Тудын жапыште «Новое в культуре» форум, дизайн-проект да кидмастар-влакын Россий кӱкшытан фестивальышт лийыт. Креативный индустрий ‒ тиде усталык пашам у технологий полшымо дене виктарымаш.
(Фотом Марий Элысе Виктерын сайтше гыч налме)
