К середине 2028 года весь общественный транспорт Йошкар-Олы переведут на средний и большой класс
Юрий Зайцев элкӧргӧ органлаште тыршыше-влаклан наградым кучыктен
Марий Элын Вуйлатышыже нуным профессионал пайремышт дене саламлен. Мероприятийышке МВД министр, полицийын генерал-майоржо Андрей Вырвич ушнен. Полиций пашаеҥ-влак профессионал пайремыштым 10 ноябрьыште палемдат.
«Подразделений-влак корнылаште, тӱшка мероприятийым эртарыме годым лӱдыкшыдымылыкым эскерат, граждан-влаклан чрезвычайный ситуаций годым йӱдшӧ-кечыже полшаш ямде улыт», ‒ ойлен Юрий Зайцев.
«За смелость во время спасения» Россий МВД медальже дене полицийын лейтенантше Иван Данилов палемдалтын. Тыгак сотрудник-влаклан чап грамотым, Марий Эл Вуйлатышын таумтшым кучыктеныт. Тидын дене пырля службым эртыме годым ӱмыр лугыч лийше-влакымат шарналтеныт.
