Марий Эл гыч Луганский да Донецкий калык республикылашке, Херсонский, Запорожский, Белгородский да Курский областьлашке гуманитар полышым колтеныт

Марий Эл гыч Луганский да Донецкий калык республикылашке, Херсонский, Запорожский, Белгородский да Курский областьлашке черетан гуманитар полышым колтеныт. 

Тудым 4 кугу фуро дене наҥгаеныт. Тиде ‒ оборудований, машина, генератор, коҥга-влак, вургем, йолчием, медикамент да молат. Чыла тиде сарзыеҥ да Российын утарыме регионлаштыже илыше-влаклан кӱлеш. Марий Эл гыч колтымо тиде 48 гуманитар миссий. Тудым предприятий, организаций, политический партий, муниципал образований да республикыште илыше-влак погаш полшеныт. Марий Эл Вуйлатыше Юрий Зайцев шке телегерам-каналыштыже гуманитар грузым чумыраш полшышо-влаклан тауштен. «Передовойышто улшо мемнан салтак-влак, ме нунын нерген огына мондо да мӧҥгӧ вучена, тидым палышаш улыт. Азапыш логалше регион-влак тыгак полышым шижыт».