Республикысе бюджет кӱшеш у медицин оборудованийым налыныт

Республикысе клинический больницыште магнитно-резонансный томографым монтироватлат. Тудлан 110 миллион наре теҥге ойыралтын.
2023 ийыште республикысе медорганизаций-влак 12 тӱжем утла МРТ-тергымашым эртареныт, тышечын 60% ‒ вуйдорыкым тергымаш. У оборудованийым пашашке колтмымеке, диагностикым эшеат шуко эртарен кертыт. Тыгак республикысе клинический больницыште вергыште кӱм тыгыдемдыше аппаратым налыныт. Тиде чер мемнан кундемыште шарлен, садлан республикысе бюджет гыч 45 миллион теҥге ойыралтын.
Кызыт больницын хирургий корпусыштыжо икымше пачашым тӧрлат, тушто ударно-волновой дистанционный рентген-литотрипсии кабинет почылтеш. Оборудованийым келыштарымеке, медперсонал тунеммашым эрта, а февральыште пациент-влакымат вашлийын кертыт.