Н. Заболоцкий лӱмеш 2-шо номеран Шернур школышто Следственный комитетын кадетше-влак товатмутым ойленыт.

10 классыште тунемше-влакым Марий Элыште Россий Следствий комитетын следствий виктемын Советский межрайонный следственный отделын вуйлатышыже Алексей Абрамов, тыгак следствий органын ветеранже Рустам Тимурханов да моло почетан уна-влак саламленыт. 10 классыште тунемше-влак товатмутыштышт кадет лӱмым чап дене кучаш, дисциплиным эскераш, Закон да Шочмо эллан ӱшанле лияш товатленыт. Тений республикысе 10 школышто следствий комитетын кадет классше-влакым почыныт. Йоча-влак право да следствий паша шотышто дисциплине-влакым келгынрак тунемыт.