Спортсменка из Марий Эл завоевала золото на чемпионате России по триатлону
Мемнан кундемыште у пайрем ‒ шуко шочшан ешын кечыже
Тудым кажне ийын 28 мартыште палемдаш тӱҥалыт. Тидын нерген Еш идалыкым иктешлыме годым увертареныт. Республике гыч шуко шочшан, чолга, уста еш-влак Г.Константинов лӱмеш руш драме театрыш чумыргеныт. Тушто мастарлык класс-влак эртаралтыныт.
Марий Эл Вуйлатышын таумутшо дене Роман Валерьевич ден Елена Владимировна Демидовмыт, Александр Иванович ден Елена Леонидовна Рыбаковмыт, Денис Сергеевич ден Наталья Олеговна Шаблий. Кодшо ийын республикыште ятыр паша ышталтын. Волжский район гыч Наталья Васильевалан «Ава-героиня» чап лӱмым пуэныт.
Тений 1 январь гыч учетышто шогышо мӱшкыран ӱдырамаш очно тунемеш гын, тудлан ик гана 100 тӱжем теҥгем пуат, тыгак шуко шочшан еш гыч икшыве-влак кокла профессионал да кӱшыл тунемме верлаште Марий Элыште оксам тӱлен тунемыт гын, нунылан пел роскотшым петыраш полшат.
Тыгак 2025 ий гыч икымше йочам ыштыше-влаклан «Подарок новорожденному» пӧлекым кучыкташ тӱҥалыт. Тыгак мужыраҥме годым самырык еш-влаклан репродуктивный тазалыкым черет дечын посна тергаш сертификатым пуат. Кажне районышто «Еш клубым» почыт, школлаште паша отряд-влак лийыт. Тыгак ийготыш шудымо-влаклан пашам муаш полшат.
