Марий Элыште бокс дене тӱнямбал турнир эртен

Марий Элын Вуйлатышыже бокс дене тӱнямбал турнирым почын. 

Мероприятий «Марий Эл» Ий полатыште эртаралтын да регионлан веле огыл, уло Россий спортлан кугу событий лийын. Юрий Зайцев участник да организатор-влакым  саламлен. Тӱҥалтыш бойлаште Марий Элын командыже 3:2 счет дене Юл кундемысе федерал округын сборныйжым сеҥен. Игорь Свиридченков Рониэль Иглесиасым сеҥен, Сергей Сергеев Хорхе Мануэль Сото деч виянрак лийын,   тӱҥ бойышто Сергей Кузьмин Гана гыч толшо Эбенезер Тетте дечын палын ончыко лектын. Турнирыш лӱмлӧ уна-влак толыныт: Боксын тӱнямбал ассоцийын президентше Умар Кремлёв, СССР-ын сулло спорт мастерже Константин Цзю, Российыште спортивный борьба федерацийын президентше Михаил Мамиашвили, Российысе боевой искусство союзын исполнительный директоржо Рамиль Габбасов, бокс дене олимпийский чемпион-влак Олег Саитов, Кевин Джонсон, Раимкуль Малахбеков.