Боксын тӱнямбал ассоциацийын президентше Умар Кремлёв шуко шочшан Тимоновмыт ешлан полшен

Боксын тӱнямбал ассоциацийын президентше Умар Кремлёв шуко шочшан Тимоновмыт ешлан полшен. Нунын кугу ойго лийын ‒ пӧртышт йӱлен. Мер пашаеҥ пожар нерген пален налмеке, ешлан полшаш шонен. Тудо оза-влак дене Андрей Валерьевич да Елена Вениаминовна дене вашлийын, пӧртым тӧрлаш сертификатым кучыктен. Тимоновмыт еш дечын посна Умар Назарович шуко шочшан кок ешлан у пачер дечын сравочым кучыктен. Тидлан Марий Эл Вуйлатыше мер пашаеҥлан тауштен.