Морко районысо Унчо селаште «Сеҥымаш корно» таҥасымаш эртен.
Тудым почмаште республикын спорт министрже Сергей Мухортов лийын да таҥасымашын кӱлешлыкше нерген ойлен, кундемыште йоча-влакым изинекак спорт шӱлышеш куштымым сайлан шотлен.
Участник-влак, ийгот дене келшышын, тӱрлӧ кужытыш куржыныт. Эн кужу дистанций ‒ 15 километр. Эн ончыч изирак-влак 2,2 км кужытыш куржыныт.
Участник-влак Морко, Волжский, Марий Турек, Шернур, Звенигово, Параньга, У Торъял, Медведево районла да Татарстан Республикысе Арск ден Кукмара районла гыч лийыныт.
( Алевтина Байкован фотожо)