В этом году 20 миллионов рублей выделят на благоустройство туристического центра Йошкар-Олы
Морко район Унчо селаште «Апакай лудмаш» регион-влак кокласе сылнымут-сылнысем фестиваль-конкурс эртен
Морко район Унчо селаште «Апакай лудмаш» регион-влак кокласе сылнымут-сылнысем фестиваль-конкурс эртен.
Тудо Унчо кундемын шочшыжо, поэт, писатель, мер пашаеҥ Валерий Апакаевын шочмыжлан 85 ий темме лӱмгечыжлан пӧлеклалтын. Пайрем Республикын чыла гаяк районлаж гыч 86 участникым чумырен. Тыгак Татарстан Республик, Московский область гыч лийыныт.
Уста поэт Валерий Апакаев шке вийжым поэзийыште веле огыл, тыгак прозыштат терген. Фестивальыште йоча, кугыеҥ-влак тудын возымо почеламутшо, ойлымашыж гыч ужаш-влакым йоҥгалтареныт. Жюри нуным тӱрлӧ номинацийыште аклен. Таче 16 шагатлан мемнан эфирыште Валерий Апакаевын эргыже Борис Апакаев, тыгак В.Васильев лӱмеш марий шымлыше институтын вуйлатышыже Людмила Григорьева, Россий писатель ушемын регионысо пӧлкан вуйлатышыже Светлана Григорьева вияш эфирыште лийыт.
