Мемнан республике самырык-влакын политикыштым шыҥдарыме дене Российыште шке тӱшкаштыже 2-шо верыште
Мемнан республике самырык-влакын политикыштым шыҥдарыме дене Российыште шке тӱшкаштыже 2-шо верыште.
Марий Элыште 165 тӱжем утла самырык еҥ ила. Нунылан сай йӧным ыштат.
2024 ийыште Самырык-влакын полатыштым тӧрленыт, тушто эртарыме мероприятийлаш 85 тӱжем утла еҥ ушнен.
3 ийыште 15 самырык ученый шымлымаш пашам шукташ 1 миллионат пеле теҥгелан грантым налын, тыгак Волжскышто самырык-влаклан у верым ыштыме.
Мемнан кундемыште патриот да волонтер толкын вияҥеш. 17 тӱжем утла самырык 350 утла патриот организацийыш ушна. Волонтер проект-влаклан грант-влак 2 миллион теҥге марте кугемыныт, 5 социал инициативым илышыш пуртеныт, 3 «Добро.Центрым» почыныт.
Кумшо ий почела Марий Эл «Регион для молодых» федерал конкурсышто сеҥа. Тений 97 миллион теҥге самырык-влаклан инфраструктурым саемдаш кая. 48 миллион теҥгем «Авангард» рӱдерым тӧрлаш колтат, тыгак 35 тӱрлӧ мероприятийым эртарат.
