Республикыште кажне ийын 7 миллионат пеле изи пушеҥгым шындат

Чодырам уэмдыме дене Республикысе пӱртӱс ресурс, экологий да йырвел кумдыкым аралыме министерствыште палдарат. Ведомствышто ешарат, кажне участкылан проектым ыштат, мыняр да могай пушеҥге тушто кушкаш тӱҥалеш, рашемдат. Улшо план дене, Марий Элыште кажне ийын 1479 гектар кумдыкышто, тыгак чодырам уэмдыме амал дене идалыкыште 1500 гектарым шындат. Кажне шошым да шыжым республикыште пушеҥгым шындыме акций-влак эртаралтыт.